Ikkje løyve til Benna kraftverk

Benna kraftverk var planlagd i vassdraget Gausa som vart verna for vasskraftutbygging i 1980. St.prp. nr. 75 opnar for bygging i verna vassdrag dersom utbygginga har ein installert effekt under 1 MW og ikkje påverkar vernegrunnlaget. Benna kraftverk var planlagd med ein installert effekt på 0,99 MW og ein årleg produksjon på omlag 5,9 GWh.

Søknaden vart avslått utan høyring grunna store konfliktar med naturverdiar og verneverdiane for vassdraget.

Grunngjevinga for avslaget er at det langs Benna er svært viktige naturtypar som slåttemark og bekkekløfter i tillegg til ei rekkje raudlista artar. Utbygginga ville og påverka vernegrunnlaget for vassdraget.

Dei negative konsekvensane står etter NVE sitt syn ikkje i forhold til auka kraftproduksjon eller andre positive effektar av ei utbygging. NVE meiner at dei negative konsekvensane av ei utbygging ikkje kan vegast opp med avbøtande tiltak.

NVE vurderer det slik at ei utbygging av vassdraget ikkje er akseptabel i høve til allmenne interesser og gjev difor ikkje løyve til Benna kraftverk.

Les meir om Benna kraftverk

Kontaktpersonar:
Seksjonssjef Øystein Grundt, tlf. 22 95 93 89 / 90 19 82 16
Rådgjevar Tor Carlsen, tlf. 22 95 93 93