Juleroser frå Herborg Kråkevik

Juleroser med Herborg Kråkevik som redaktør har etablert seg som eit av dei mest populære, norske julehefta. I år er Juleroser ute i eit rekordstort opplag på 92 000. Utgjevinga er eit samarbeid mellom Samlaget og Egmont, og er til sals over heile landet frå 20.11. 

Juleroser er eit litterært julehefte med bidrag frå nokre av dei fremste forfattarane og kunstnarane i vår tid. Kråkevik vil gi lesarane store kunstopplevingar til jul. Juleroser 2017 har bidrag frå Suzanne Brøgger, Bjørn Eidsvåg, Geir Gulliksen, Kari Bremnes, Synnøve Macody Lund, Alf Prøysen, Håkon Bleken, Anne Grete Preus og mange andre. Heftet er rikt illustrert med bidrag frå dei beste biletkunstnarane. Tre vakre kunsttrykk er inkludert. 

Juleroser var namnet på eit litterært julehefte som blei gitt ut mellom 1881 og 1944. Heftet vart relansert i 2015. For Kråkevik er Juleroser noko som har vore med henne heile livet: 

– Juleroser låg alltid framme i jula då eg var barn. Eg opna dei med andakt, for dei var så skjøre og vakre, dei måtte takast varsamt i. Dei såg gamle ut, men historiene eg las, verka nye og relevante, sjølv om dei var skrivne i ei anna tid enn mi. No er dei her igjen, rosene. Eg håper, kjære lesar, at Juleroser kan gi deg jul i hjarta, slik dei gjorde for meg, og at vi har klart å lage noko som er så vakkert at det ikkje blir kasta ut med det brukte julepapiret, men held seg, både for auga og for sinnet.

Tysdag 21.11. og onsdag 22.11. kan du oppleve fleire av bidragsytarane frå heftet på lanseringsarrangement på Litteraturhusa i Oslo og Bergen. Billettar for sal no.

For avtale om intervju med Herborg Kråkevik, ta kontakt med:

Karin Helgøy, informasjonssjef i
Samlaget, tlf.: 970 19 865
e-post: karin.helgoy@samlaget.no

Pressekontakt i Egmont:
Knut Thomas Hagen, tlf.: 996 28 411
e-post: knut.thomas.hagen@egmont.com

ISBN: 978-82-429-5785-6

PRIS: 169,90