Løyve til ny Salten transformatorstasjon

NVE vurderer at miljøverknadene av tiltaka er akseptable sett i lys av at dette er ein viktig transformatorstasjon i sentralnettet, som vil auke forsyningssikkerheita mellom Nord-Noreg og Midt-Norge. Stasjonen vil ligge tilbaketrekt på eit platå kalla Lemmen, og vil ikkje vere synleg frå bustadområde i Straumen. Platået er i dag prega av utbygging. NVE vurderer at den nye stasjonen ikkje vil endre høva for friluftsliv i området. Leidningane inn til eksisterande stasjon vil måtte leggast om. Ein ny tilkøyringsveg inn til transformatorstasjonen vil røyre ved ein viktig naturtype med gamal lauvskog og ei samling mykje brukte klatresteinar.

NVE krev at Statnett SF skal utarbeide ein miljø-, transport- og anleggsplan som skal godkjennast av NVE før anleggsstart. Planen inneber mellom anna at det ved bygginga av tilkøyringsvegen skal utvisast spesielle omsyn i naturtypen og at det skal hogging i området skal avgrensast. Planen skal også beskrive korleis det kan takast særskilde omsyn til klatresteinane i området. NVE meiner at framlegging av ein godt planlagt miljø-, transport- og anleggsplan kan avgrense skadane i naturtypen og i klatreområda.

Det eksisterer to motlegg til søknaden frå Fylkesmannen i Nordland og Nordland fylkeskommune.

Les meir om løyve til ny Salten transformatorstasjon på NVEs nettsted.

Kontaktpersonar:
Seniorrådgjevar Matilde Anker, tlf. 22 95 98 90
Seksjonssjef, Siv Sannem Inderberg, 2295 94 38 eller 901 93 008