Løyve til regulering av Movatnet og bygging av Mela kraftverk

Utbygginga vil nytte ei fallhøgd på rundt 260 meter.

Naturverdiane som er knytt til prosjektområdet er av stor verdi; storlom hekkar i Movatnet, som er omsøkt regulert, og hønsehauk hekkar ved den planlagde kraftstasjonen. NVE meiner at hekkeplassane til desse artane vert ivareteke ved at ein unngår forstyrrande anleggsarbeid i hekkeperioden og at Movatnet ikkje vert regulert i storlommen sin hekkeperiode. For å ivareta Mela som landskapselement og leveområde for andre vasstilknytta artar som fossekall og strandsnipe, meiner NVE at det skal sleppast minstevassføring heile året.

Med ei sesongmessig minstevassføring på 90 l/s i perioden 1.mai – 30. september og 60 l/s resten av året meiner NVE at skadeverknadene for landskap og miljø vil vere akseptable. NVE vurderar vidare reguleringa og utbygginga med dei fastsette avbøtande tiltaka til å vere akseptabel i høve til allmenne og private interesser, og gjev difor løyve til regulering av Movatnet og bygging av Mela kraftverk på fastsette vilkår.

Les meir om Mela kraftverk

Kontaktperson:
Seksjonsjef Øystein Grundt: tlf: 22 95 93 89 / 901 98 216