Kulturminne i Sogn og Fjordane får millionar i støtte

I alt 22 prosjekt fekk 8,5 millionar til saman. Frå Sogn og Fjordane kom det 68 søknadar på nesten 32 millionar kroner.

 Gjennom dei siste åra har mengda søknadar til Kulturminnefondet auka mykje, og vi er med på å redde fleire kulturminne enn nokon gang over heile Norge.

- Kulturminnefondet er eit lågterskeltilbod for private eigarar, og vi arbeider heile tida med å forenkle prosessen med å søke. Den store auka i talet på søknadar tyder at vi er på rett veg i dette arbeidet, seier Simen Bjørgen, direktør i Kulturminnefondet.

Han er også glad for at Regjeringa har styrka Kulturminnefondet med auka løyvingar, som gjer det mogleg å støtta fleire gode tiltak over heile landet.

Løpande søknadsfrist

Tidlegare har Kulturminnefondet hatt ei årleg søknadsfrist, men det er det slutt på. Frå 2019 blir det laupande søknadsfrist, og private eigarar av verneverdige kulturminne kan søke om støtte kva tid som helst.

Allereie nå er det mogleg å sende inn ein søknad for 2019, men ingen vedtak blir gjort før vi skriv 2019.

Desse prosjekta i Sogn og Fjordane fekk støtte i år:

Prosjektnamn, søkjarnamn, kommune, tilsegnsbeløp

• Mundal hotell, Hotel Mundal AS, Sogndal, 1.000.000
• Våningshus på gardstun frå 1850, Astrid Sandvik og Kåre Krakhella, Gulen, 330.000
• Fjøs Smørhamn, Ingvar Magne Vadøy, Bremanger, 478.000
• Utigarden - sperrestove, John Arne Holsen, Førde, 277.000
• Det Heibergske Familiemuseum, Ingebjørg Heiberg, Sogndal, 260.000
• Visnes Hotel Stryn - kulturlåven, Visnes Hotel Stryn, Stryn, 250.000
• Ulvikbui, gamle Lærdalsøyri, Odd Helge Brugrand, Lærdal, 600.000
• Bustadhus - tak og yttervegger, Per Kristian Holmøy, Eid, 347.000
• Harastølen - Sanatoriebygget, Harastølen AS, Luster, 3 800.000
• Lensmannsgarden i Bø - grunnmur, Morten Holmberg, Vik, 246.000
• Eldhuset - Støfringsdalen, Bård Støfringsdal, Jølster, 146.000
• Sanddalen 85 - eldhus, Tore Tonning, Jølster, 100.000
• Måren skule, Klypekveet, Erlend Myrstad, Høyanger, 120.000
• Gammal kyrkjebåt, Asbjørn Gimmestad, Gloppen, 25.000
• Stabbur Indre Åsane, Kjetil Jon Lote, Eid, 20.000
• Tak Villa Strandheim, Øyvind Ugulen, Balestrand, 91.000
• Haavetunet, Atle Jordahl, Flora, 43.000
• Eldhus på Juklestad, Nils Jakob Juklestad, Jølster, 187.000
• Sjøbu øyaneset Kalvåg, Stig Melheim, Bremanger, 90.000
• Munkastova, Hans Tore Stokkebø, Balestrand, 54.000
• Stabbur på Dalåker, Helge Ruud og Oddfrid Nistad Ruud, Sogndal, 25.000
• Strandsitjarløa på Bakka, Svein Tufte, Aurland, 75.000