Løyve til Skræi & Skrede kraftverk

Skræi & Skrede kraftverk vil utnytte eit fall i Nystøylbekken mellom kote 685 og kote 350. Det er også gjeve løyve til å overføre Fjellstøylbekken til inntaket i Fjellstøylbekken. Kraftverket vil få ein installert effekt på 1,72 MW.

Det var også søkt om løyve til å overføre ein mindre bekk frå søraust til kraftverksinntaket. NVE har ikkje gjeve løyve til denne overføringa då vi meiner at dei terrengmessige inngrepa vert omfattande, og fordi ei bekkekløft av lokal verdi vert fråført det aller meste av vatnet. Samstundes ville overføringa berre gitt ein produksjon på om lag 0,3 GWh per år.  

NVE har fastsett ei minstevassføring på 5 l/s i Fjellstøylbekken og Nystøylbekken for å ivareta noko av det biologiske mangfaldet i og langs elva, som krev noko fukt for at bekkane ikkje skal stå fram som heilt turrlagde. NVE meiner at med fastsett minstevassføring vil ulempene for ålmenta vere avgrensa, samstundes som kraftverket vil gje ei viss ny fornybar energiproduksjon.

For meir informasjon kontakt:

Seksjonssjef Øystein Grundt, tlf. 22 95 93 89/90 19 82 16

Les meir om Skræi & Skrede kraftverk