NVE gjev løyve til Haugafossen kraftverk

Haugafossen kraftverk vil erstatta eksisterande Haugafossen kraftverk. Dagens kraftverk produserer om lag 1,5 GWh årleg.

Nye Haugafossen kraftverk er planlagt med ei installert effekt på 5,3 MW og vil utnytte ei fallhøgde på 41 m frå kote 52 til kote 11 i Jondalselvi. Kraftverket vil gje om lag 13,25 GWh ny fornybar energi årleg.

Dei negative konsekvensane av ei utbygging er hovudsakeleg knytt til fisk, biologisk mangfald langs elva og til landskap. NVE har sett vilkår til konsesjonen for å avbøte dei negative konsekvensane for smolt på strekninga over inntaket og for anadrom fisk nedanfor utlaupet til kraftstasjonen.

Den raudlista arten kystfloke (VU) er funne langs elva. Arten er avhengig av å bli neddykka i løpet av vekstsesongen. Med omsøkte slukeevne meiner NVE at førekomsten kan bli noko redusert, men at det framleis vil vere overlaup over inntaket, slik at vekstvilkåra til ein viss grad vil oppretthaldast.

Utbygginga vil redusere Haugafossen sin verdi som landskapselement, men vi meiner dette kan aksepterast fordi fossen ligger svært skjerma frå omgjevingane. Ved høge vassføringar vil det vere overlaup over inntaket, og elva vil framstå som stor.

NVE vurderer samla sett nytten av tiltaket som større enn ulempene for ålmenne og private interesser, og gjev derfor løyve til bygging av Haugafossen kraftverk på fastsette vilkår.

For meir informasjon, kontakt :
Seksjonssjef Øystein Grundt, tlf. 22 95 93 89
Overingeniør Marianne Bismo, tlf: 22 95 97 08