1500 ungdomar skal lære om fiskaryrket

Det er fleire organisasjonar innan fiskerinæringa som står bak arrangementet som i år set rekord med nesten 1500 deltakarar. 

- Tidlegare år har vi hatt to forestillingar i Kulturhuset, men i år må vi utvide med ei til. Dette viser at ungdomar har interesse for å finne meir ut av kva fiskaryrket går ut på, seier Odd Kristian Dahle, informasjonsleiar i organisasjonen Fiskebåt, som organiserer den havgåande fiskeflåten.

Samla næring
Fiskebåt, Fiskarlaget, Surofi og Marint kompetansesenter står samla bak satsinga som trekkjer til seg 10.-klassingar frå heile fylket

- Dette er utan tvil ei viktig målgruppe med tanke på rekruttering til næringa og det er mange vegar fram, enten ein vel den praktiske eller teoretiske vegen, seier Dahle.

Konkurranse
Opplegget er nokså likt frå år til år. Først får ungdomane ein liten smakebit på kva eit yrke innan fiskeri inneber. Deretter får dei høyre frå dei møte litt eldre ungdomar som har valt fiskeri som yrkesveg, før det blir Kahoot-konkurranse mellom dei forskjellige skulane. Premien er kr. 10 000 til klassa som vinn.

Amanda Tenfjord
For tredje året på rad vil artisten Amanda Tenfjord stå for underhaldninga.

----------------------------------------------------

Kontakt for meir informasjon;

Odd Kristian Dahle, informasjonsleiar i Fiskebåt           Ewa Hildre, Marint kompetansesenter

Tlf. + 47 906 15 658                                                    Tlf. +47 951 30 559

e-post: odd-kristian@fiskebat.no                                 e-post: ewa@marint.no

Bildetekst: Hard konkurranse om flotte premiar. Ein Kahoot-konkurranse viser om ungdomane har fått med seg informasjonen. Bildet er frå Ungdomsmønstringa i 2016. Foto: Odd Kristian Dahle/Fiskebåt.