Løyve til Ryddøla kraftverk

Blåfall AS har søkt om løyve til å bygge Ryddøla kraftverk i Ryddøla i Dovre. Kraftverket vil få ei installert effekt på 3,4 MW, og vil med dei fastsette vilkåra gje ein årleg produksjon på 7,2 GWh.

Ryddøla drenerer eit nedbørfelt nordaust for Gudbrandsdalslågen og har utløp i Lågen ved Dovreskogen i Dovre kommune. Inntaket er planlagt etablert rett utanfor Grimsdalen landskapsvernområde. Elva renn gjennom skog og er ikkje synleg frå dalbotnen i hoveddalføret. Frå nordvestsida av Ryddøla går det ein skogsbilveg innover Ryddølsdalen, som passerer like ved planlagt inntak. Det er registrert ei bekkekløft med lokal verdi på den aktuelle elvestrekninga. Det er ikkje funne raudlista artar som er knytt til elvestrengen eller inntaksområdet. NVE meiner at vassmiljøet knytt til vassdraget kan ivaretakast på ein god måte med slepp av tilstrekkelig minstevassføring heile året.

NVE meiner at med dei fastsette vilkåra er fordelane større enn skadane og ulempene for allmenne interesser ved å bygge kraftverket og gir difor løyve til Ryddøla kraftverk.

Meir informasjon på www.nve.no/konsesjonsnyheter

Kontaktpersonar
Seksjonssjef Øystein Grundt, tlf. 22 95 93 89
Avdelingsingeniør Ingri Guren, tlf. 22 95 91 59