Eit løyve og eit avslag til kraftverk i Tysfjord kommune

Løyve til Nedre Russvik kraftverk
Nedre Russvik kraftverk er planlagt med ein installert effekt på til saman 2,3 MW fordelt på to turbinar, og vil med dei fastsette vilkåra gje ein årleg produksjon på omlag 5 GWh. Dette svarar til den årlege straumbruken til 250 husstandar. Utbygginga av Nedre Russvik vil ikkje påverke registrerte utvalte naturtypar eller trua artar. Ved etablering av røyrgate langs eksisterande traktorveg vil også inngrepa knytt til utbygginga reduserast til eit minimum. Ved slepp av sesongbasert minstevassføring meiner NVE at vassdragets landskapsverdiar blir teke vare på i tilstrekkelig grad.

Avslag for Øvre Russvik kraftverk
Øvre Russvik kraftverk er planlagt med ein installert effekt på 4,2 MW og ein årleg produksjon på omlag 10 GWh. Noko som svarar til straumbruken til 500 husstandar. Fleire av høyringspartane er negative til ein utbygging av Øvre Russvik kraftverk. Mest fordi tiltaket vil redusere inngrepsfrie naturområde samt inntrykket av å vera i urørt, mektig natur - kvalitetstrekk området har i dag. Omsyn til verdifull naturtype og samla belastning spelar også inn. NVE meiner og at ein realisering av Øvre Russvik kraftverk vil medføre negative konsekvensar for landskap og friluftsliv, inngrepsfrie naturområde og biologisk mangfald. Dei negative konsekvensane står etter NVE sitt syn ikkje i forhold til auka kraftproduksjon eller andre positive effektar av ei utbygging. NVE vurderer derfor utbyggingsplanane til ikkje å vere akseptable i høve til allmenne interesser og gjev derfor ikkje løyve til bygging av Øvre Russvik kraftverk.  

Les meir om Nedre Russvik kraftverk og Øvre Russvik kraftverk her  

For nærmare informasjon kontakt :
Seksjonssjef Øystein Grundt, tlf. 22 95 93 89