Ikkje løyve til Mølska kraftverk

Fjellkraft AS har søkt NVE om løyve til å nytte eit fall mellom kote 351 og kote 78, alt. kote 110, i elva Mølska i Stjørdal. Kraftverket var planlagt med ein installert effekt på 4,7 MW, noko som ville gje ein årleg produksjon på omlag 12,7 GWh. Det svarar til den årlege straumbruken til rundt 635 husstandar.

NVE sitt avslag byggjer på at tiltaket kjem i konflikt med gyte- og oppvekstområde for laks og sjøaure i eit nasjonalt laksevassdrag. I slike vassdrag skal ein ikkje setje i verk tiltak som kan gje nemneverdig negativ påverknad på laksebestanden. NVE meiner at tiltaket vil føre til nemneverdig negativ påverknad på laksebestanden. Vi kan ikkje sjå at det er mogeleg å avbøte skadane med tiltak. Bygging av Mølska kraftverk er etter vår vurdering i strid med beskyttelsesregimet for laks i eit nasjonalt laksevassdrag. NVE gjev difor ikkje løyve til bygging av Mølska kraftverk.

Les meir om det planlagde Mølska kraftverk på www.nve.no  

Kontaktpersonar:
Seksjonssjef Øystein Grundt, tlf. 22 95 93 89
Avdelingsingeniør Kirsten Marthinsen, tlf. 22 95 92 34