Ikkje løyve til Gravdal kraftverk

Gravdal Kraft AS har søkt NVE om løyve til å nytte eit fall mellom kote 250 og kote 2 i Tverrelva i Førde kommune i Sogn og Fjordane. Kraftverket var planlagt med ein installert effekt på 2 MW, noko som vil gje ein årleg produksjon på omlag 6,2 GWh. Det svarar til den årlege straumbruken til rundt 310 husstandar.

NVE sitt avslag byggjer på tiltaket sin konflikt med ein aktiv hekkelokalitet for hubro og verknader for ei bekkekløft. Hubro står på den norske raudlista som ein stekt truga art, og han er særs var for forstyrring nær reiret i hekketida. Vi meiner det er fare for at eit hekkeområde vert negativt påverka av utbygginga. Bekkekløfta har lokal verdi men er ein sjeldsynt førekommande naturtype i kommunen, noko som aukar kløfta si relative verdi. Vi meiner ulempene med tiltaket er større enn gevinsten med auka fornybar kraftproduksjon.

NVE vurderar at ei utbygging av vassdraget ikkje er akseptabel i høve til ålmenne interesser, og samstundes at tiltaket er i konflikt med forvaltningsmål for artar som er gjeve i naturmangfaldlova § 5. NVE gjev difor ikkje løyve til bygging av Gravdal kraftverk.

Meir informasjon på www.nve.no/energimerking

Kontaktpersonar:
Seksjonssjef Øystein Grundt, tlf. 22 95 93 89
Avdelingsingeniør Kirsten Marthinsen, tlf. 22 95 92 34