Løyve til Rausdalen kraftverk

Rausdalen kraftverk er planlagt med ein installert effekt på 2,2 MW. Kraftverket vil nyttefallet  på ein eksisterande 135 meter  lang overføring mellom Småløftevatn og Rausdøla. Frå Småløftevatn vil vatnet gå i tappetunnelen og deretter i nedgrave røyr til kraftstasjonen som vert plassert like oppstraums eksisterande bekkeinntak i Rausdalen. Det er ikkje planlagt endringar i dagens manøvreringspraksis i magasina. Kraftverket skal knytast til straumnettet via ein jordkabel.

Kraftverket vert etablert i eit område som er påverka av tidlegare vasskraftutbygging. Utbygginga vil medføre enkelte nye inngrep i ope høgfjellslandskap, men verknadene vert vurdert som små. Området vert elles nytta til lokale friluftsaktivitetar. Det er ikkje registrert prioriterte naturtypar eller raudlista artar som vil kunne bli påverka av utbygginga. Høyringsinstansane er i hovudsak positive til utbygginga som vil gje betre ressursutnytting i eksisterande vasskraftanlegg. NVE vurderar dei samla verknadene av utbygginga som små.

NVE legg vekt på at kraftverket vil bidra med 7,3 GWh fornybar kraft, samstundes som utbygginga er akseptabel i høve til private og ålmenne interesser.

Meir om Rausdalen kraftverk på www.nve.no/konsesjonsnyheter

Kontaktpersonar:
Seksjonssjef Øystein Grundt, tlf. 22 95 93 89, mobil 901 98 216
Senioringeniør Jan Sørensen, tlf. 22 95 92 11