Ikkje løyve til Bjotveit kraftverk

Bjotveitelvi er eit verna vassdrag. NVE meiner at skadane og ulempene for dei ålmenne interessene er større enn fordelane ved kraftverket. NVE meiner og at tiltaket er i konflikt med vernestatus for vassdraget.

Hardanger Alliansen har søkt NVE om løyve til å nytte eit fall mellom kote 395 og kote 45 i Bjotveitelvi. Kraftverket var planlagt med ein installert effekt på 995 kW, og ein årleg produksjon på omlag 5 GWh, noko som svarar til den årlege straumbruken til rundt 250 husstandar.

NVEs avslag byggjer på tiltakets konflikt med verneformålet til eit verna vassdrag, som sikrar randsona mellom Hardangervidda nasjonalpark og fjorden. Tiltaket er og i konflikt med landskaps- og friluftsinteressene knytt til dette.

NVE vurderar at ei utbygging av vassdraget ikkje er akseptabel i høve til ålmenne interesser, og samstundes at  tiltaket er i konflikt med vassdragsvernet. NVE gjev difor ikkje løyve til bygging av Bjotveit kraftverk.

Les meir om avslaget på www.nve.no

Kontaktpersonar:
Sjefingeniør Jens Aabel, tlf. 22 95 90 11
Overingeniør Eirik Bjørkhaug, tlf. 22 95 98 31