Løyve til nytt Haukeli kraftverk

Nye Haukeli kraftverk er planlagt med installert effekt på 4,9 MW. Kraftverket vil ha inntak i Vatjern omlag 75 meter sør for det eksisterande inntaket. Vassvegen vil i hovudsak gå i fjell. Kraftstasjonen skal byggjast i dagen i nærleiken av det noverande stasjonsbygget ved Haukeligrend. Avlaupet vil gå i ein kort kanal til Kjelaåi.

Det gamle kraftverket vert lagt ned bortsett frå eksisterande vegar og infrastruktur som skal nyttast i samband med det nye kraftverket.

Kraftverket vil ikkje påverke nye areal i særleg grad og drifts- og kjøremønster vil verte som i det eksisterande kraftverket. Utbygginga er forventa å få berre små eller ubetydelege verknader for miljø- og brukarinteresser. I byggjeperioden må det likevel påreknast ein del ulemper grunna anleggstrafikk. Nedlegging av det gamle kraftverket føre til at eksisterande røyrgate i dagen og andre synlege anleggselement vert fjerna. Høyringsinstansane er i hovudsak positive til det omsøkte tiltaket. 

NVE legg vekt på at kraftverket vil bidra med 32 GWh fornybar kraft, samstundes som utbygginga er akseptabel i høve til private og ålmenne interesser. NVE ser samstundes positivt på at det gamle kraftverket vert fjerna og at områda vert sett i stand. 

Kontaktpersonar:
Seksjonssjef Carsten Stig Jensen, tlf. 22 95 92 90, mobil 908 50 206
Senioringeniør Jan Sørensen, tlf. 22 95 92 11