Løyve til Eikemo kraftverk

Ved kote 660 vil det bli sett opp ein sperredam i Skredbekken, og vatnet vil bli overført til Setsteinelvi. Hodnefjellsvatnet, som ligg i kommunane Vaksdal og Modalen, vil bli regulert med 4 meter. Det vil bli eit inntak i Hodnefjellsvatnet. I tillegg vil det bli etablert to inntak i Setsteinelvi. Røyrgata vil ligge i nedsprengt grøft. Nedst vil vassvegen gå i tunnel og i nedgraven grøft.

Setsteinelvi og Skredbekken renn ut i Ekso, som er ei lakseførande elv. Konsekvensane av Eikemo kraftverk for fisken i Ekso og moglege tiltak for å motverke dei negative konsekvensane er utgreia gjennom konsesjonshandsaminga. NVE meiner at ein realisering av Eikemo kraftverk kan gje negative konsekvensar for fisken i Ekso, men har konkludert med at desse kan avbøtast gjennom tiltak i anleggs- og driftsfasen. Eikemo kraftverk vil ha noko negativ effekt på landskapet, men dette kan til ein viss grad avbøtast med god terrengtilpassing og slipp av minstevassføring.

NVE vurderer at fordelane av tiltaket i høve til dei ålmenne og private interessene er større enn skadane og ulempene ved å bygge kraftverket, og gjev difor løyve til Eikemo kraftverk på fastsette vilkår.

Les meir om løyvet til Eikemo kraftverk på www.nve.no

Kontaktpersonar:
Seksjonssjef Øystein Grundt, tlf. 22959389
Overingeniør Marianne Bismo, tlf. 22959858