Ikkje løyve til Ljøen kraftverk

Småkraft AS har søkt om løyve til å byggje Ljøen kraftverk i Ljøelva. Kraftverket er planlagd med ei installert effekt på 2,3 MW, og ein årleg produksjon på om lag 8,3 GWh, noko som svarar til den årlege straumbruken til rundt 415 husstandar.

Utbyggingsområdet er del av eit fjordlandskap av internasjonal verdi som har stor betyding for reiseliv. Ei utbygging som omsøkt vil etter NVE si meining ha store negative konsekvensar for landskapsverdiane og kan bidra til å svekkje regionen sin eigenart.

NVE meinar at dei negative verknadane av Ljøen kraftverk  er større enn nytta ved auka kraftproduksjon og andre positive effektar av ei utbygging. Vi vurderar at ei utbygging ikkje er akseptabel i høve til ålmenne interesser, og gjev difor ikkje løyve til bygging av Ljøen kraftverk.

Meir om saka på www.nve.no/konsesjonsnyheter

For meir informasjon kontakt:
Seniorrådgjevar Gry Berg, tlf. 22 95 92 20
Avdelingsingeniør Vegard Hotvedt Strømsvåg, tlf. 22 95 94 85