NVE gjev løyve til Grønlielva kraftverk

Kraftverket er planlagt med ein installert effekt på 2,2 MW. Utbygginga vil nytte eit fall på 166 meter og vil føre til at ei elvestrekning på omlag 1500 meter vil få redusert vassføring.
På utbyggingsstrekninga er det ikkje registrert andre raudlisteartar enn oter (VU).

Røyrelva har gyte- og oppvekstområde for anadrom laksefisk. Av omsyn til anadrom laksefisk og andre vasstilknytta organismar har NVE fastsett ei minstevassføring på 260 l/s i perioden 1.5-30.9 og 120 l/s resten av året. Dette vil og ta omsyn til anna biologisk mangfald på utbyggingsstrekninga.

Med ein utbygging etter alternativ B, som gjev ei redusert fallhøgd, redusert slukeevne, krav om minstevassføring og installasjon av automatisk forbisleppingsventil meiner NVE tiltaket er akseptabelt for anadrom laksefisk.

Etter NVEs syn er utbygginga med dei avbøtande tiltaka akseptabel i høve til private og allmenne interesser.

Les meir om løyvet til Grønlielva kraftverk på www.nve.no

Kontaktpersonar:
Seksjonssjef Øystein Grundt, tlf 22 95 93 89
Overingeniør Eirik Bjørkhaug, tlf 22 95 98 31