NVE gjev løyve til Dyrkolbotn kraftverk

Kraftverket er planlagt med ein installert effekt på omlag 2,7 MW. Utbygginga vil nytte eit fall på 132 meter og vil føre til at ei elvestrekning på rundt 800 meter vil få redusert vassføring. Deler av strekninga er i dag nytta til kraftproduksjon i Kjeldebekken minikraftverk.

Det er ikkje registrert viktige naturtypar i tiltaksområdet og det er ikkje funne raudlisteartar anna enn at det er noko usikkerheit om førekomst av ål.

Av omsyn til landskap og vasstilknytta organismar har NVE fastsett ei minstevassføring på 130 liter i sekundet i perioden 1. mai -30. september og 50 liter i sekundet resten av året. For den delen av vassdraget som i dag er nytta til kraftproduksjon i Kjeldebekken kraftverk har NVE fastsett ei minstevassføring på 50 liter i sekundet heile året. Botnaelva har gyte- og oppvekstområde for sjøaure,  og kraftstasjonen er flytta for å redusere konflikt med denne arten, samt at det er sett krav om installasjon av automatisk forbisleppingsventil.

Etter NVE sitt syn er utbygginga med dei avbøtande tiltaka akseptabel i høve til private og allmenne interesser.

Les meir om løyvet til Dyrkolbotn kraftverk på www.nve.no

Kontaktpersonar:
Seksjonssjef Øystein Grundt, tlf. 22 95 93 89
Overingeniør Eirik Bjørkhaug, tlf 22 95 98 31