Anlegget byggast med to energisentralar, og vil kunne levere både fjernvarme og kjøling. Grunnlasta i anlegget er basert på varmepumper, og det vil bli nytta elektrisitet som spiss- og reservelast. Den eine energisentralen er planlagd plassert i ein eksisterande lagerhall i SFE sitt administrasjonsbygg på Hestneset. Den andre energisentralen er planlagt plassert i den eksisterande energisentralen ved Flora vidaregåande skule. Energisentralene vil ha ein samla installert effekt på inntil 7,3 MW. Det tillatne konsesjonsområdet avgrensast av sjøen i nord og nordvest, og av eit smalt sund mot Brandsøy i aust. Den sørlege grensa går mellom Klubbevika i vest og Austvika i aust.

Etter NVEs vurdering er fordelane ved anlegget overvegande i forhold til ulempene. Anlegget er vurdert til å ha akseptable miljøverknader og å være samfunnsøkonomisk lønsamt. Tiltaket vil også bidra til å oppfylle målsettinga til regjeringa om å auke bruken av vassboren varme basert på fornybare energikjelder.

Meir informasjon om saka på www.nve.no/konsesjonsnyheter

For meir informasjon, kontakt:
Prosjektleiar fjernvarme Jørgen Kocbach Bølling, tlf 22 95 98 54 .

Avdelingsingeniør  Tale Helen Seldal, tlf 22 95 94 51.