NVE tilrår ny kraftleidning mellom Mongstad og Kollsnes og nye kablar frå Kollsnes til Troll A-plattformen

- Kraftleidningen frå Mongstad til Kollsnes vil auke forsyningstryggleiken til Bergensområdet og Kollsnes, uttalar Vassdrags- og energidirektør Agnar Aas

Den nye kraftleidningen går frå Mongstad transformatorstasjon i Lindås kommune til Kollsnes transformatorstasjon i Øygarden kommune. Kraftleidningen er om lag 35 km lang og får verknader for Øygarden, Radøy, Austrheim og Lindås kommunar i Hordaland.

Traseen inneber om lag 15 km kabel og 20 km luftleidning. Dei nye kablane frå Kollsnes til Troll får verknader for Øygarden kommune.

Viktig for forsyningstryggleiken
Kraftleidningen mellom Mongstad og Kollsnes vil vere viktig for etableringa av ein robust kraftforsyning til Bergen og til Kollsnes. Den er planlagd som første ledd i etableringa av ein 300 (420) kV  ringforbindelse frå Modalen til Kollsnes, noko som vil kunne gi ei ytterligare betring av forsyningstryggleiken til Bergensområdet, seier Agnar Aas.

Den vil i tillegg ha ein viktig funksjon for å tryggje forsyninga både til den landbaserte og den offshorebaserte olje- og gassindustrien på Mongstad og Kollsnes. Leidningen vil saman med dei nye kablane til Statoil sikre tilstrekkelig kapasitet til framtidig kraftforbruk på Troll A. Leidningen legger samstundes til rette for ein langsiktig overgang til 420 kV spenningsnivå i regionen.
 
Miljøverknader
Kraftleidninga vil vere synleg frå mange område, og spesielt i det ope landskapet i Austrheim. Den vil gå gjennom område med raudlista fugleartar og område med stor verdi for friluftsliv og kulturmiljø. Andre delar av traseen går i industriprega område, som på Kollsnes og Mongstad. NVE meiner likevel at konsesjonsprosessen har medverka til at det er funne ein trasé som mellom anna reduserer dei visuelle verknadane.

NVE konstaterer òg at BKK Nett vil nytte lågare master enn normalt for at kraftleidningen skal verte mindre synleg frå avstand. Den tilrådde traseen inneber lengre sjøkabel enn det som er teknisk naudsynt ved kryssinga av Hjeltefjorden.

Den nordlige delen av Øygarden er smal, og ein luftleidning ville ha kome nær eksisterande busetnad og bandlagt uforholdsmessig stort areal, som mellom anna vert nytta til friluftsliv og som egner seg best til bygging av bustader, forretningsområde, skule og oppvekstsenter.

NVE tilrår at det vert sett vilkår om skånsam skogrydding, matta liner og en miljø-, transport og anleggsplan, der det mellom anna skal vurderast alternative mastetypar og komponentar, tilpassing av anleggsperioden av omsyn til fugl og korleis omsynet til mellom anna grunneigarar, kulturminne og naturmangfald skal takast hand om.

Kontaktpersonar
Vassdrags- og energidirektør Agnar Aas, mobil 951 79 164
Avdelingsdirektør Rune Flatby, mobil 416 78 203
Seksjonssjef Tormod Eggan, mobil 915 25 034