Tilrår løyve til Nye Verma kraftverk

 

Verma kraftverk ligg i Vermåa i Raumavassdraget. Vasstanden i eksisterande inntaksmagasin er søkt heva med 7,5 meter. Det er og planlagt å bygge eit nytt kraftverk med utløp ved samløpet mellom Vermåa og Rauma, om lag 300 meter nedstrøms eksisterande kraftverk. Både vassveien og kraftstasjonen er planlagt i fjell.

Fordelane med tiltaket er i hovudsak knytte til betre utnytting av eksisterande kraftanlegg. Ein utviding av Verma kraftstasjon som omsøkt, vil årleg gje om lag 50 GWh fornybar energi. I tillegg vil ei auke av volumet i inntaksmagasinet kunne løyse dagens problem med is i inntaksområdet. Hovudargumenta mot ein utbygging er i hovudsak knytte til verneverdiane i og rundt vassdraget. Ei utbygging som omsøkt griper inn i eit vassdrag verna i Verneplan for vassdrag og eit naturreservat verna etter naturvernloven. I tillegg er hovudvassdraget Rauma eit nasjonalt laksevassdrag med betydelege fiskeinteresser.

Det er sett på fleire moglege alternativ for å bevare verneverdiane i størst mogeleg grad. Ved å redusere den omsøkte høgda på inntaksdammen ned til 5 meter samtidig som det påleggast slipp av minstevassføring i Vermefossen, meiner NVE å ha funnet ei løysning som samla sett gjer eit godt resultat. NVE kan ikkje sjå at tiltaket vil redusere verneverdiane i vassdraget i vesenlig grad, slik at omsynet til verneverdiane er ivaretatt.

Med avbøtande tiltak og vilkår som foreslått meiner NVE at ulempene som følgje av tiltaket er akseptabel i høve til nytten av auka kraftproduksjon. NVE anbefalar difor at det vert gjeve løyve til bygging av Nye Verma kraftverk. Olje- og energidepartementet vil stå for den vidare sakshandsaminga.

Les meir om Nye Verma kraftverk på http://www.nve.no/Konsesjonssaker

Kontaktpersonar:
Seksjonssjef Carsten Jensen, tlf. 22 95 92 90
Avdelingsdirektør Rune Flatby, mobil 416 78 203