Løyve til bygging av Kvamselva kraftverk

Kraftverket er planlagt med ein installert effekt på 2,4 MW.

Kraftverket vil nytte ei fallhøgd på 244 meter og endre naturleg vassføring på ei omlag 1200 meter lang elvestrekning. Vassvegen skal gravast ned i grøft. Den verdifulle naturtypen bekkekløft er registrert på utbyggingsstrekninga, men det er ikkje påvist raudlista artar knytt til elva. Anadrom fisk vandrar opp i Kvamselva til ca. kote 21. Det er elles knytt friluftsinteresser til området.

NVE vurderar at dei negative verknadene av ei utbygging vert redusert med slepp av tilstrekkeleg minstevassføring, tilpassing av inntaket av omsyn til friluftsinteressene, flytting av kraftstasjon opp til vandringshinder for anadrom fisk og installasjon av omlaupsventil.

Med dei fastsette vilkåra meiner NVE at fordelane gjennom ein auke av fornybar energiproduksjon på 8,5 GWh/år er større enn skadar og ulemper for ålmenne interesser. NVE gjev derfor løyve til bygging av Kvamselva kraftverk på fastsette vilkår.

For meir informasjon kontakt :
Seniorrådgjevar Gry Berg, tlf 22 95 92 20
Overingeniør Sigrun B. Rawcliffe, tlf 22 95 93 16