NVE gjev løyve til Hoel kraftverk

DGH-kraft har søkt om løyve etter vassressurslova § 8 til å oppruste og sette i drift eit kraftverk i Hoelsfossen i Veståa som ligger i Åsnes kommune. Kraftverket var i drift frå 1947 til 1960 åra, og eksisterande inntaksdam, røyrgatefundament og kraftverksbygning skal nyttast. Kraftverket er planlagt med ein installasjon på 90 kW og kjem inn under kategorien mikrokraftverk.

Veståa er ein del av Auståavassdraget som blei verna i verneplan IV for vassdrag. Det er ikkje påvist raudlista arter eller verdifulle naturtypar knytt til elvestrekninga. Det er heller ikkje særlege landskaps- eller friluftsinteresser knytt til området. NVE meiner at med tilstrekkeleg minstevassføring heile året, og god planlegging og oppfølging av anlegget i byggetida, vil skadeverknadane for landskap og miljø vere akseptable. NVE kan heller ikkje sjå at tiltaket vil redusere verneverdien i vassdraget, slik at omsynet til verneverdien er vareteke (jf. vassressurslova § 35, post 8). 

NVE meiner at fordelane i høve til allmenne interesser er større enn skadane og ulempene ved å bygge kraftverket, og gjev difor løyve til Hoel kraftverk på fastsette vilkår.

For meir informasjon kontakt:

Seksjonssjef Øystein Grundt, tlf. 22 95 93 89/90 19 82 16
Seniorrådgjevar Ingrid Haug, tlf. 22 95 9416