Avslag for Kvennfossen kraftverk

 

Kvennfossen Kraft AS  har søkt om løyve til å bygge Kvennfossen kraftverk i hovudvassdraget Begna i Sør-Aurdal kommune. Kraftverket var planlagt med dam tvers over elva ved Kvennfossen eller Purkefossberget, og med kraftverket som ein integrert del av damkonstruksjonen. Kraftverket ville gitt ein årleg produksjon på 20-21 GWh, avhengig av alternativ, noko som svarar til straumbruken til rundt 1000 husstandar.

Hovudargumenta i mot ei utbygging er primært knytta til negative verknadar for biologisk mangfald. Området ved Kvennfossen er registrert som eit av dei områda i Begna med størst tettleik av elvemusling. Elvemusling er kategorisert som sårbar på den Norske Raudlista 2006 og som sterkt truga på IUCN sin globale raudliste. Etter NVE sitt syn vil ein utbygging av Kvennfossen forringe ein levedyktig bestand av elvemusling.

Tidlegare utbyggingar i vassdraget har ført til at areal med urørte stryk og hurtigrennande vatn, som er vikteg for mange artar, alt er sterkt redusert i vassdraget. Bygging av Kvennfossen kraftverk ville ført til at strykstrekningane ved Kvennfossen vart borte. Dette ville etter NVE sitt syn gitt store, negative konsekvensar for gyte- og oppvekstområder for aure. Ein utbygging ville og ført til at området sin funksjon som vinteropphaldsstad for fleire artar vassfugl ville verte negativt påverka. I tillegg ville omsøkte utbygging ført til store landskapsmessige endringar av området.

NVE meiner at bygging av Kvennfossen kraftverk vil verke negativt inn på fleire allmenne interesser og kan ikkje sjå at dei føreslegne avbøtande tiltaka er tilstrekkjeleg til å ivareta desse interessa. Vi meiner difor at fordelane ved bygging av Kvennfossen kraftverk er mindre enn ulempene og avslår søknaden.

Meir om Kvennfossen kraftverk på www.nve.no/konsesjonsnyheter

Kontaktpersonar
Seksjonssjef Øystein Grundt, tlf. 22 95 93 89/90 19 82 16
Seniorrådgjevar Ingrid Haug, tlf. 22 95 94 16