Løyve til å bygge Geitåni

Kraftkarane AS og fallrettseigarane har i tillegg til å søke om løyve til bygging av kraftverket i Geitåni også søkt om å få overføre vatn frå nabovassdraget Ørevikelvi til Geitåni.

Utbyggingsområdet har verdiar knytt til biologisk mangfald, landskap, friluftsliv og kulturminne. Hovmannafossen kan spesielt trekkjast fram. NVE meiner at med tilstrekkjeleg minstevassføring og krav til utforming av anlegget, og at overføringa av Ørevikelvi ikkje vert gjennomført, vil ei utbygging vere akseptabel i høve til dei nemnte verdiane.

NVE meiner fordelane av tiltaket i høve til dei allmenne interessene er større enn skadane og ulempene ved å bygge kraftverket, og gjev difor løyve til å bygge Geitåni kraftverk på fastsette vilkår.

Les meir om løyvet til Geitåni kraftverk på http://www.nve.no

Kontaktpersonar
Seksjonssjef Øystein Grundt, tlf. 22 95 93 89, mobil 901 98 216
Avdelingsingeniør Vegard Hotvedt Strømsvåg, tlf. 22 95 94 85