Løyve til Gåstjønna kraftverk

Utbygginga vil nytte eit fall på 240 meter og endre vassføringa på ein omlag 850 meter lang elvestrekning. Vatnet skal førast i nedgravne røyr frå inntaket til kraftstasjonen.

Det er ikkje påvist raudlista artar knytt til elva, men Gåstjønna er ein kalksjø med kransalger som er ein lokalt vikteg naturtype. Ein eldre dam ved utlaupet av vatnet gjer at vasstanden i dag varierar med omlag 1,5 meter. Kraftverket og magasinet Gåstjønna vil ligge i eit område med reindrift. NVE meiner at tilstrekkeleg vassføring heile året, regulering innafor vasstandsvariasjonen slik den er i dag, og at det vert sett krav til utforminga av anlegget av omsyn til landskap og reindrift er avbøtande tiltak som gjer utbygginga tilrådeleg.

NVE meiner at fordelane i høve til allmenne interesser er større enn skadane og ulempene ved å bygge kraftverket og gir difor løyve til Gåstjønna kraftverk på fastsette vilkår.

Les meir om Gåstjønna kraftverk på www.nve.no

Kontaktpersonar:
Seksjonssjef Øystein Grundt, tlf. 22 95 93 89, mobil 90 19 82 16
Avdelingsingeniør Kirsten Marthinsen, tlf. 22 95 92 34