Løyve til å bygge Fossmark Nedre kraftverk

Kraftverket i Fossmarkåna er planlagt med ein installert effekt på 486 kW, og vil med dei fastsette vilkåra gje ein årleg produksjon på omlag 1,6 GWh.

Det er sett krav om at det skal vere ei minstevassføring i elva på 140 l/s nedanfor inntaket i perioden 15.05 – 15.09, og 50 l/s resten av året.

Området for kraftverksutbygginga ligg ved Lysefjorden. Det er ikkje påvist raudlista artar eller verdifulle naturtypar knytt til elva. NVE meiner at tilstrekkeleg vassføring heile året og god planlegging og oppfølging av anlegg i byggetida vil ivareta friluftsinteresser og omsyn til landskap.

NVE meiner fordelane er større enn skadene og ulempene for allmenne og private interesser, og gjev difor løyve til Fossmark Nedre kraftverk på fastsette vilkår. Det er ikkje gjeve oreigningsløyve og partane lyt difor vere einige om ei utbygging.

Les meir om løyvet til Fossmark Nedre kraftverkn på http://www.nve.no

Kontaktpersonar:
Seksjonssjef Øystein Grundt, tlf. 22 95 93 89 / 90 19 82 16
Overingeniør Frank Jørgensen, tlf. 22 96 94 31