Løyve til Hundåga kraftverk

Prosjektområdet ligg i eit ope landskap og det er reindriftsinteresser knytt til ei flyttlei som kryssar området. Ved eit av alternativa det er søkt om er det freda kulturminne. 

Landskapet er ope med mykje bart fjell, og det er lite lausmassar som vil skjerme inngrepet. Nedgraving av røyrgata vil medføre mykje sprenging, og dette vil etter NVE sitt syn vere svært skjemmande for landskapet, og kome i konflikt med flyttleia.

Av omsyn til reindrift, landskap og friluftsverdiar meiner NVE difor at røyrgata må borast i tunnel på heile strekninga. Ved boring av tunnel vil ikkje det freda kulturminnet rørast. Denne løysinga vil etter vår vurdering ikkje medføre nokon konflikt med flyttleia for rein, og landskapsinngrepa vert av akseptabel karakter.

NVE meiner at fordelane i høve til allmenne interesser er større enn skadane og ulempene ved å bygge kraftverket, og gjev difor løyve til Hundåga kraftverk på fastsette vilkår.

Les meir om Hundåga kraftverk på http://www.nve.no

For meir informasjon kontakt:
Seksjonssjef Øystein Grundt, tlf. 22 95 93 89/90 19 82 16
Rådgivar Auen Korbøl, tlf. 22 95 93 44