Løyve til Breidalselva kraftverk

Breidalselva er ei av tre greiner i Ryggvassdraget på sørsida av Gloppenfjorden. Ryggelva er verna mot kraftutbygging i Verneplan IV for vassdrag. Det er opna for bygging av mikro- og minikraftverk i verna vassdrag med installert effekt under 1 MW under føresetnad at utbygginga ikkje kjem i konflikt med verneverdiane. For Ryggelva er verneverdiane knytt til kvartærgeologi, landskapsformer og kulturminner.

NVE vurderer Breidalselva kraftverk til ikkje å påverke vernverdiane nemneverdig ettersom fråføring av vatn og andre inngrep medfører små verknader for naturmiljø, landskap og kulturminner. For å oppretthalde vassføringsvariasjonar i midlare og tørre år, har NVE redusert slukeevna til 300 l/s, som tilsvarar 49 prosent av midlare vassføring. Vidare er det fastsett ei minstevassføring på 100 l/s i perioden 1. mai – 30. september og 40 l/s resten av året.

Etter NVE sitt syn er utbygginga med dei avbøtande tiltaka akseptabel i høve til private og allmenne interesser.

Les meir om Breidalselva kraftverk på www. nve.no/konsesjonsnyheter

Kontaktpersonar:
Seksjonssjef Øystein Grundt, tlf. 22 95 93 89
Senioringeniør Magne G. Verlo, tlf. 57 83 36 70