Nei til Løpselva mikrokraftverk

Nils F. Nilsen har søkt NVE om løyve til å bygge Løpselva mikrokraftverk i Bodø kommune, Nordland fylke. Kraftverket ville om det vart bygd nytte eit fall på 125 meter og gje ein årleg produksjon på omlag 0,27 GWh, noko som svarar til straumbruken til rundt 13 husstandar.

Røyrgata skulle klamrast til fjellet langsmed ein foss som vert tørrlagd ved ei utbygging. Det var også søkt om overføring av to bekker. Tørrlegging av Løpselva i tillegg til dei to bekkene, vil få negative konsekvensar for landskap og biologisk mangfald. Elva nedstrøms kraftverket er i dag gyteområde for anadrom aure. Dersom kraftverket får uventa stans blir elva nedstrøms nær tørrlagd og fisken stå da i fare for å strande.

NVE legg i si vurdering vekt på at prosjektet inneber fleire inngrep i eit svært viktig friluftsområde. Inngrepa vil synast godt i landskapet og redusere moglegheitene for fosseklatring i området. Dei negative konsekvensane kan etter vår meining vanskeleg avbøtast ved tiltak.

NVE meiner derfor at fordelane ved bygging av Løpselva mikrokraftverk er mindre enn ulempene for ålmenne interesser, og kravet i vassressurslova § 25 er då ikkje oppfylt. På denne bakgrunnen er søknaden avslått.

Meir om Løpselva mikrokraftverk på www.nve.no .

Kontaktpersonar
Seksjonssjef Øystein Grundt, tlf. 22 95 93 89/90 19 82 16
Avdelingsingeniør Tale Helen Seldal, tlf. 22 95 94 51