Folkemøte om søknad for Leikanger kraftverk

Representantar frå Sognekraft AS og NVE vil vere tilstades for å orientere om søknaden og sakshandsaminga.

I søknaden er det presentert to utbyggingsalternativ. I hovudalternativet (A) vil ein nytte eit 595 meter høgt fall i vassdraga med til saman 11 inntak på kote 600. Kraftstasjonen vert bygd i fjell ved Suppam og vil få avlaup til Sognefjorden. Planlagt installert effekt i kraftverket er 77 MW og årleg produksjon er berekna til 184,1 GWh. I det andre alternativet (B) vil kraftverket i prinsippet få same planløysing, men med inntak lenger ned i vassdraga på kote 365. Installert effekt i kraftverket vil då vere 53 MW, og årleg produksjon er berekna til 124,9 GWh. Kraftverket skal koplast til nettet ved ei ny 132 kV line frå Suppam til Seljevollen i Grindsdalen. I samanheng med utbygginga vert det søkt om ny konsesjon for regulering av Store Trastadalsvatnet på 4,5 meter . Vidare vert det søkt om samtykke til oreigning av nødvendig grunn og rettar for gjennomføring av tiltaket.

Søknaden er lagt ut til offentleg gjennomsyn på Service-ekspedisjonen i kommunehuset og Leikanger folkebibliotek fram til 15. juni 2009 . Søknaden er òg tilgjengeleg på NVE sine heimesider www.nve.no/vannkraft-ku . Dersom det er ønskjeleg med papirutgåve av søknaden, kan ein kontakte Sognekraft AS v/Kåre Fosse, telefon 57 69 86 32 .

For meir informasjon kontakt
Senioringeniør Jan Sørensen , tlf. 22 95 92 11