Løyve til Terråga kraftverk

Tverråga kraftverk vil nytte eit fall på om lag 200 m frå kote 260 til kote 60. Frå kraftverksinntaket skal vatnet førast i tunnel ned til kote 150. Vidare skal røyrgata ligge i nedgraven/nedsprengt grøft. Tiltaket vil endre naturleg vassføring på ei 2 km lang elvestrekning.

Av omsyn til biologisk mangfald og landskap er det ikkje gjeve løyve til å regulere Kjerrslettvatnet. Det er også gjeve løyve til å bygge ein overføringskanal for å nytte noko av vatnet som renn frå Kjerrslettvatnet til kraftproduksjon. Av omsyn til naturmiljøet og landskapet skal det sleppast ei minstevassføring på 70 l/s i sommarperioden og 10 l/s i vinterperioden forbi kraftverksinntaket og 30 l/s i sommarperioden og 5 l/s i vinterperioden forbi sperredam i overføringskanalen.

Gjennom detaljplangodkjenning og oppfølging i byggetida vil NVE sjå til at landskapsinngrepa knytt til utbygginga vert avgrensa i størst mogleg grad. NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.

Meir om Terråga kraftverk på www.nve.no/konsesjonsnyheter

Kontaktperson
Seksjonssjef Øystein Grundt, tlf. 22 95 93 89 / 90 19 82 16