Løyve til å bygge Skipelva kraftverk

Kraftverket vil nytte eit fall på om lag 47 meter i Skipelva, frå inntak ovanfor Tausdalsfossen omlag på kote 80, og ned til kraftstasjonen som vert plassert ved Møllestranda rundt kote 33.

Skipelva er ei sideelv til Steinsdalselva som i 1980 vart verna i verneplan II for vassdrag. Årsaka til vernet var dei sterke friluftsliv- og sportsfiskeinteressene. For å ta vare på området sine landskapsverdiar, og for å sikre tilhøva for den omsynskrevjande naturtypa fossesprøytsone, er det fastsett ei minstevassføring på 200 liter i sekundet heile året og ei avgrensa slukeevne i kraftverket.

Det er vidare lagt vekt på at alle inngrepa skal gjerast med varsemd. Vatnet vert ført i tunnel og grave ned i røyr frå inntaket til kraftstasjonen. NVE vil sjå til at dette vert ivareteke gjennom godkjenning av detaljplanar for anlegget og oppfølging i byggjetida.

NVE vurderer utbygginga med dei fastsette avbøtande tiltaka til å vere akseptabel i høve til allmenne og private interesser.

Meir om Skipelva kraftverk på www.nve.no .

Kontaktpersonar
Seksjonssjef Øystein Grundt, tlf. 22 95 93 89, mobil 901 98 216
Avdelingsingeniør Ellen Lian Halten, tlf. 22 95 91 93