Løyve til å bygge Skreio kraftverk

Skreio ligg i Vossavassdraget som er verna mot kraftutbygging i Verneplan III. I verna vassdrag er det opna for bygging av mini- og mikrokraftverk med mindre enn 1 MW installert effekt. Ein føresetnad er at utbygginga ikkje kjem i konflikt med verneverdiane. Verneverdiane i Vossavassdraget er særleg knytt til den store variasjonen i naturtypar frå høgfjell til lågare område.

Etter NVE sitt syn vil Skreio kraftverk ikkje vere i konflikt med verneinteressene, så lenge det er sett naudsynte vilkår for utbygginga. NVE har fastsett noko redusert slukeevne i kraftverket på 0,50 m³ /s, tilsvarande 38 % av middelvassføringa, slik at dei naturlege vassføringsvariasjonane i vassdraget vert mest mogleg oppretthaldt. Av omsyn til naturtypar og fuktmiljø i vassdraget er det fastsett ei minstevassføring på 140 l/s i perioden 1. mai til 31. oktober og 50 l/s resten av året.

NVE vurderer utbygginga med dei fastsette avbøtande tiltaka å vere akseptabel i høve til ålmenne og private interesser.

Les meir på www.nve.no/konsesjonsnyheter

Kontaktpersonar

Seksjonssjef Øystein Grundt, tlf. 22 95 93 89

Senioringeniør Jan Sørensen, tlf. 22 95 92 11