Løyve til å bygge Åmøya kraftverk

Kraftverket vil nytte eit fall på 181 meter, frå inntak på kote 185 og ned til kraftverket på kote 4 over ei strekke på omlag 1250 meter.

Av omsyn til biologisk mangfald har NVE fastsette ei minstevassføring ved inntaket på 40 l/s i sommersesongen og 10 l/s vintersesongen. Av omsyn til landskapsopplevinga pålegg NVE utbyggjar å leggje vassvegen i tunnel og det skal ikkje etablerast ny anleggsveg fram til inntaket. Det er lagt vekt på at arealbruken i samband med dei tekniske inngrepa skal vera på eit minimum, og alle inngrepa skal gjerast med varsemd. NVE vil sjå til at dette vert ivareteke gjennom godkjenning av detaljplanar for anlegget og oppfølging i byggetida.

NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.

Meir om Åmøya kraftverk på www.nve.no

For meir informasjon, kontakt
Seksjonssjef Øystein Grundt, tlf 22 95 93 89
Overingeniør Frank Jørgensen, tlf. 22 95 94 31