Tilrår løyve til Sætredalen kraftverk

Det planlagde kraftverket vil nytte eit fall på 378 meter frå Sætredalsvatnet og ned til Myklebustdalen. NVE tilrår og at det vert gjeve løyve til å regulere Sætredalsvatnet med 3 meter med overføring av Heimste Tverrelva til Ytste Tverrelva. NVE vil ikkje tilrå heving av Ørnereirvatnet og overføring av Fessegrova som omsøkt fordi vi meiner den vesle auka i produksjon ikkje står i forhald til storleiken på inngrepa.

Hovudargumenta mot ei utbygging av Sætredalen kraftverk er knytt til inngrep i høgfjellsterreng, fossefall som landskapselement og Fessegrøvene som rikmyrområde. Ved å flytte traseen for overføringa frå Heimste Tverrelva til nedafor tregrensa, meiner NVE at ein vil unngå dei største inngrepa i høgfjellsterrenget. NVE meiner vidare at ved å utelate overføringa av Fessegrova vil den mest synlege av dei tre omsøkte fossane forbli intakt. Eventuelle andre negative konsekvensar kan etter NVE sitt syn avbøtast med tiltak som grundig landskapsmessige planlegging, og tilstrekkeleg minstevassføring heile året.

NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser. Olje- og energidepartementet vil stå for den vidare sakshandsaminga.

Meir om kraftverket på www.nve.no

Kontaktpersonar
Seksjonssjef Øystein Grundt, tlf. 22 95 93 89, mobil 901 98 216
Seniorrådgjevar Ingrid Haug, tlf. 22 95 94 16