Løyve til å bygge Hopselva kraftverk

Hopselva kraftverk vil nytte det meste av fallet i Hopselva, frå utløpet av Sævildvatnet og ned til kote 20. Sævildvatnet skal regulerast med 0,5 meter. Vatnet vert ført i tunnel og grave ned i røyr frå Sævildvatnet til kraftstasjonen. Det er naudsynt med noko vegbygging fram til stasjonstomta og vidare oppover for legging av røyrgata.

Av omsyn til hekkande storlom er det krav om at reguleringa i Sævildvatnet ikkje kan nyttast frå 10. april til ut juni. For å sikre tilhøva for fisk og elvemusling er det fastsett ei monaleg minstevassføring frå utløpet av vatnet. Denne skal vere på 250 l/s i tida 1. september – 30. november og 180 l/s resten av året. Det er vidare lagt vekt på at arealbruken knytt til dei tekniske inngrepa skal vera på eit minimum, og alle inngrepa skal gjerast med varsemd. NVE vil sjå til at dette vert ivareteke gjennom godkjenning av detaljplanar for anlegget og oppfølging i byggetida.

NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.

Meir om Hopselva kraftverk på www.nve.no

For meir informasjon kontakt:
Seksjonssjef Øystein Grundt, tlf. 22 95 93 89, mob. 901 98 216