Flaumsonekart for Sauland og Seljord

Seljord
For Seljord er det utarbeida flaumsonekart for eit område langs Bygdaråi og  Seljordvatnet. 

Ved ein 10-års flaum vil jordbruksland ved Flatland, Nes og Skutevollen overfløymast. Både ved Dyrskuplassen og ved Utgarden er det store lågpunktområde. Desse områda vil overfløymast om flaumvollen brest. Rundt 100-årsflaum vert flaumvollen overtoppa, og ved 200-årsflaum vil rundt 50 bygg vere utsett for overfløyming. Relativt mange bygningar vil vere utsett for vatn i kjellarane ved en 200-års flom.

Sauland
For Sauland er det utarbeida flaumsonekart for eit ca. 6 km langt område langs Hjartdøla ved Sauland. 

Allereie ved ein 10-års flaum vil delar av busette område rundt Sauland sentrum og store område med dyrka mark vere overfløymte. Området er flatt og små endringar i vassføringa vil endre flaumutbreiinga mykje. Ved 200-årsflaum vert store område rundt Sauland sentrum, Åmot, Omnes nedre og området rundt idrettsplassen overfløymt. Relativt mange bygg vil vere utsett for vatn i kjellarane ved ein 200-års flom.

Om karta
Flaumsonekarta gjev kommunen verdfull informasjon i arealplanlegging, byggesaksbehandling og lokal flomberedskap. Målet er å styre arealbruken betre og blant anna hindre at det vert bygd på område som vert utsett for skadeflom i framtida. Karta er også et viktig innspel i arbeidet neste gang Hjartdal og Seljord rullerer kommuneplanane sin.

På bakgrunn av erfaringane frå storflaumen på Austlandet i 1995, vert flaumsonekart i dag sett på som det viktigaste tiltaket for å redusere flaumskadar i framtida. Målet er å kartleggje dei elvestrekningane i Noreg som er mest utsette for flaumskade.

Les rapporten og sjå karta på www.nve.no/flomsonekart .

For meir informasjon kontakt:
Prosjektleiar Eli K. Øydvin telefon: 22 95 94 89
Regionsjef Einar Beheim telefon:33 37 23 01
Senioringeniør Turid Bakken Pedersen  telefon: 33 37 23 07