Løyve til å bygge Torvikelva kraftverk

Kraftverket vil nytte eit fall på 100 meter i Torvikelva, frå brua til Follesdal og ned til omlag kote 10. Vatnet vert i hovudsak ført i nedgrave røyr frå inntaket til kraftstasjonen. Det er naudsynt med noko vegbygging fram til stasjonstomta og vidare oppover for legging av røyrgata.

For å sikre tilhøva for fisk og andre vassdragstilknytta artar, er det fastsett ei minstevassføring på 200 l/s i tida 1. mai – 30. september og 100 l/s resten av året. Det er vidare lagt vekt på at arealbruken i samband med dei tekniske inngrepa skal vera på eit minimum, og alle inngrepa skal gjerast med varsemd. NVE vil sjå til at dette vert ivareteke gjennom godkjenning av detaljplanar for anlegget og oppfølging i byggetida.

NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.

Meir om kraftverket på www.nve.no

Kontaktpersonar
Seksjonssjef Øystein Grundt, tlf. 22 95 93 89
Avdelingsingeniør Kristin Haugen, tlf. 22 95 94 23