Løyve til å bygge Torsneselva kraftverk

Kraftverket i Torsneselva vil nytte eit fall på 288 meter frå Veslavatnet og nesten ned til sjøen. Kraftverket vert bygd som eit fjellanlegg.

Av omsyn til dei allmenne interessene i og langs vassdraget, særleg med vekt på landskapsoppleving og den lokale friluftsbruken i området, er det fastsett ei minstevassføring på 600 liter i sekundet frå mai til september og 60 liter i sekundet resten av året.

Det var og søkt om løyve til regulering av Veslavatnet med 0,5 m. NVE har avslått denne delen av søknaden då vi meiner at fordelane med ei slik regulering ikkje veg opp for ulempene.

NVE vurderer utbygginga med dei fastsette avbøtande tiltaka til å vere akseptabel i høve til allmenne og private interesser.

For meir informasjon kontakt
Seksjonssjef Øystein Grundt, tlf. 22 95 93 89, mob. 901 98 216