Eitt avslag og tre løyve til kraftverk i Drangedal

Dei tre kraftverka som har fått løyve, vil til saman kunne gje ein produksjon på om lag 17,1 GWh i eit medels år. Dette svarar til straumbruken til om lag 850 bustadar. Kraftverka som fekk avslag ville til saman ha gitt om lag 9,4 GWh per år dersom dei hadde vorte bygd.

Tiltakshavar	Kraftverk	MW	GWh
Lauvstad kraftverk AS	Lauvstad kraftverk	2,2	5,7
Drangedal Everk KF	Gautefallselva kraftverk*	0,99	Avslag
Graveelva kraftverk AS	Graveelva kraftverk	2,64	6,9
Drangedal Everk KF	Djupsåna kraftverk*	0,99	Avslag
Skjeggfoss kraftverk SUS	Skjeggfoss kraftverk	1,80	4,5

* Ligg i verna vassdrag

Vurdert under eitt

Søknadane er handsama samla for å kunne gjere ei heilskapleg vurdering av verknadane av vasskraftverka.

Kraftverka som har fått avslag, ligg i verna vassdrag med stor verdi for friluftsliv. Dei tre kraftverka som har fått løyve, er i liten grad i konflikt med ålmenne interesser som friluftsliv og landskap, samstundes som dei vil bidra til produksjon av fornybar energi.

NVE har sett vilkår til det enkelte prosjektet for å redusere dei negative verknadane for ålmenne interesser. Etter NVE si vurdering vil tilpassingar ikkje vere tilstrekkelege for å få løyve til å byggje kraftverka som fekk avslag.

Les meir om kvart kraftverk:

Les meir om Lauvstad kraftverk (Lauvstad kraftverk AS)

Les meir om Gautefallselva (Drangedal Everk KF)

Les meir om Graveelva (Graveelva kraftverk AS)

Les meir om Djupsåna kraftverk (Drangedal Everk KF)

Les meir om Skjeggfoss kraftverk (Skjeggfoss kraftverk SUS)

Kontaktpersonar

Sakshandsamer Anne Johanne Rognstad, tlf. 22 95 94 45

Sakshandsamer Rune Moe, tlf. 22 95 93 15

Seksjonssjef Øystein Grundt, tlf. 22 95 93 89